其實我以前曾經食過5次檸檬
(我面皮幾呎厚所以見到中意既人就會表白)
所以真係唔使怕表達心意既
當然切忌向只係識左一陣既對象表白啦
第一次喺幼稚園 冇錯我幼稚園已經好大膽
同學鼓勵下錫左個男仔既面珠登
隔日先生邀請左兩邊家長黎傾件事
第二次喺小學比同學踢破左
即場喺班房叫個男仔答我
當然佢都係即場拒絕左啦
第三次都係喺小學
雖然嗰個人唔知但又比同學背叛
之後....我地冇再傾過偈喇
第四次係中學中意左個跑步好勁既師兄
佢絕對唔係一個靚仔
可能我覺得佢認真起黎幾charm掛
於是就寫左張聖誕卡送比佢
點知佢當住全班面朗讀張卡既內容出黎
雖則我冇寫到啲咩「I love you」嗰啲
不過好記得之後每日返學都比師兄班同學笑
第五次都係喺中學
中意左一個讀理科班既朋友
我唔否認識計數既男仔係特別吸引
所以就算佢唔靚仔我都勁冧🙊
於是趁愚人節就講老土對白...
最後梗係比人識穿啦 仲收左人生第一張好人卡。。
所以我既故事話比大家聽
喺愛情路上記得要屢敗屢戰 要有體育精神
Search